Viðburðir á næstunni
Tengslahópar
Tengslahópar Grænni byggðar eru fyrir aðila að Grænni byggð. Ef þú ert aðili og villt skrá þig í tengslahóp, sendu okkur línu á gb@graennibyggd.is
Hóparnir eru: Vottanir, Vistvænir innviðir, Lífsferilsgreiningar, Hringrásarhagkerfið og Opinber innkaup (aðeins fyrir starfsfólk opinberra stofananna).
Miðdegisfundur: BREEAM New Construction v. 7
20/01/2026
.png)
Þann 30. September 2025 var ný útgáfa af BREEAM handbókinni gefin út (BREEAM New Construction Version 7) og öll ný verkefni sem skráð eru frá 27. Janúar 2026 munu falla undir v.7. Nýja útgáfan leggur áherslu á kolefnislosun á líftíma byggingar, líffræðilegan fjölbreytileika og vistfræði, seiglu og efnisval.
Til undirbúnings fyrir notkun nýju útgáfunnar heldur Grænni byggð fund með fulltrúum frá BRE til að kynna breytingarnar og veita aðilum tækifæri á að spyrja spurninga og fá svör. Fundurinn er einungis fyrir aðila að Grænni byggð.
Fundurinn verður þann 20. Janúar 2026 kl. 14:00-15:00 á Zoom.
Aðilar sem hafa áhuga skulu senda póst á gb@graennibyggd.is til þess að fá skráningarhlekk.
Miðdegisfundur: Byggjum fyrir fólk
22/01/2026
Nærri öllum okkar tíma er varið inni í eða nálægt byggingum, sem gerir þær að ómissandi hluta af lífi okkar. Undanfarið hafa áhrif hins byggða umhverfis á heilsu okkar fengið aukna athygli og spurningar um það hvernig við bætum byggingar til að stuðla að líkamlegri og andlegri heilsu fólks verið til umræðu á Íslandi. Á sama tíma stefnum við einnig að því að bæta umhverfisáhrif bygginga. Geta þessir tveir þættir unnið saman?
Þessari spurningu og fleirum verður svarað á viðburðinum sem Grænni byggð, Sjálfbærnistofnun Háskóla Íslands og Norræna húsið halda í Norræna húsinu, fimmtudaginn 22. janúar, kl. 15:00-16:30.
Viðburðurinn hefst á því að kynna evrópska verkefnið New European Bauhaus, sem miðar að því að samþætta umhverfislega sjálfbærni við velsæld notenda byggingarumhverfisins og mögulega þess til þess að mæta ýmsum áskorunum sem við stöndum frammi fyrir á Íslandi.
Í kjölfarið verða pallborðsumræður um menningarlegar, félagslegar og umhverfislegar víddir byggingarumhverfisins og hvernig við getum blandað þeim saman.
Skráning á fundinn í Norræna húsinu er nauðsynleg og verður lokað fyrir skráningu þegar hámarksfjölda er náð - fyrstur kemur fyrstur fær!
Viðburðinum verður einnig streymt, skráning er ekki nauðsynleg til þess að fylgjast með í streymi.
Ítarleg dagskrá verður birt fljótlega. Taktu tímann frá og fylgstu með!